Yeh pagal deewana kar denge !!! haaaaaaaaaaaaa!!!. Review on Yamla Pagla Deewana

Aadaab, aur salaam, umeed kurta hu ki aap sab kheriyat se honge........ kyaaaa?.... mai to bilkul kheriyat se hu allah miya ki meherbani se aur aap logo ki duao se!!!

ab janab ek salaah, ek mashwara main aap logo ke darmiyan rakhna mangunga.... ek philm dekhi thi maine janwari ke mahine main...uska naam tha '' yamla pagla deewana'' , janab is philum mai dharmendar, sunny deol aur bobby deol hai sahi manyo mai magar kaun yamla hai..kaun pagla...aur kaun deewana...yeh kehna jra munasib nahi hoga kyunki is musle mai bhi thoda confuse ho gya tha ...hehe!!!

tho malik philum asl mai yu chalu hoti hai

dharmendar sahabjo hai hamare...bhai inko apni jurm ki duniya se bahoth lagav tha, aur us waqt ….yani karib bis pachis saal pehle...masha allah tab who jawan hua karte the!!! haha...tho who apne chotte bete bobby deol ko lekar ...gayab ho jaate hai...piche jhod jate hai apni begum ko aur bade bete ko ...aur ajate hai ...bharat mai...yeh mai nahi bhaijaan ajay devgan kehte hai...wobhi mooh jubani...shkul nahi dikhai agle ne...patha nahi use ye sab kha se maloom tha...kher...allah jane!!!

ab aage...bahot saal beeth jaate hai ...apna sunny deol...bhi use bhi thi jawan hona tha... apni ek choti si family bsa chuke hote hai...ek gori mem aur do bachche...ji haa...ji haa...ek gori mem se shadi karthe hai who...aur bachche tho bus apne dada par gaye hai...abhi se gaali dena shuru kar diya hai kambakhto ne....bada wala kehta hai ''teri maa di'' , chota kehta hai ''ditto''....hur ek baath par...ditto...ditto...ditto...ajkal ke bachche tho bas!!!

baap banaras shehar mai hai...bobby bete ko maloom nahi hai ki dharmendar uska vaaleed sahab hai...dona thugthe subko bakayada...dona sath mai shrab bhi peete hai...ya mere khuda ab tu hi malik hai!!! aur tho aur bobby apne baap ko usi ke naam se pukarta hai...ithne mai sunny bhaijaan aa tapakthe hai aur loot bhi jate hai apne hi bhai se … wah allah, tere kaam bhi nirale hai...aur is tharah se maalik in dona bhaiyo ko pehli bar milate hai

khani mai do khaniya hai...pehli toote kunbe ko milana...doosra ...bobby aur unki hone waali begum sahiba ko milana...aur is chakkar mai who banaras jhod kar in dono laila majnu ko milane ke liye punjab aa jate hai...bhai ek baat mujhe bahot choo gayi kiiiiii.....punjab mai pehle goli maarte hai aur phir puchthe hai ki maamla kya hai???...aur aise logo ke beech rehkar who sahiba ko haasil karna mangthe hai....

aapki jaankari ke liye mai batha doo ki waha par sahiba ke bahi the anupam kher jo kaafi khatarnaak maloom padthe hai....unke kai bhai bhi waha par aur ek behen bhi hai jinka naam minty hai...jiske dilo dimaag par bas kanedaa kanedaa aur bas kanedaa hi hai jo ki bobby ke liye kaafi hud thuk musibatho ki wajah banthi hai aur hamko hasne par majboor karthi hai....kyaaaaa???........ab iske liye tho aap bhaijaan philum dekhe tho munasib rahega

haaaa...is philum mai kuch kamiya bhi thi ,,,jaise ki jo sahiba aur bobby ke beech ka jo ishq tha...use thung se nahi dukhaya aur jo hai break se pehle jo hai ...jithna maja aa rha tha...break ke baad tho bhai hume kehna padega....woh kooch hud thak khinch guye....johny lever ko bhi jyada role nahi diya...ama yaar yeh directors jo na kraye...sab thoda hai

acha miya jo gaane hai...wah wah! Wah wah! Soon soon ke mere kaan nahi thake ….charha de rang ...jo ki ali pevez ne gaya hai.., sabse jyada khoobsurat maloom padta hai aur gaane jaise...chamki jawaani....tinku jiya...yeh gaana tho har byah shadiyo mai baj rha hai... aur sau baar...sab hi gaane jashan mai char chand lagane waale gaane hai...ek mahine thak bore nahi hoge...haaaaaa!

Jis thrah se yeh philum parde pe uthari gayi hai ...mai ise thi thak hi kahunga...shabd bhi ache rahe...aur use kya kehthe...thoooooooooooooo...maaf kijiyega...paan thookna jaroori tha....editing...woh bhi thi hai ….janab dharmendar sahab aaj ki bhi taariq mai accha nachthe ahi aur hasathe bhi bahoth hai...aur aaj ki tariq mai un jaisa koi hassen kalakaar nahi hai parde par...kool milakar philum badhiya lagi hame aur hum hasne aaye the aur hase bhi...nahi tho aisa nahi hone par ek laafa marthe ticket wale ko aur poora paisa wassol kar lete....haaaaaaaaaaa........hume veeru lucknowi aise hi nahi kehthe

aap log bhi jra bathaye ki aap kya khenge is baare mai...are is philum ke bare mai

Allah aap sab ki murade puri kare aur hamesha kheriyat se rakhe

shabakher aur khuda-hafeez